Mari Thess
Bongga talaga ang National Collegiate Athletic Association (NCAA) dahil GMA Network ang broadcast partner nito. Ngayong Sabado (March 26), mapapanood na after Eat Bulaga ang “NCAA Season 97 Opening Ceremonies” na balita namin ay star-studded! Simulcast ito sa GTV.
No less than Asia’s Limitless Star Julie Anne San Jose ang isa sa mga magpe-perform sa nasabing opening ceremonies na hudyat din ng pagsisimula ng face-to-face Men’s Basketball Games ng liga. Join din sa Sabado ang Asia’s Got Talent first season winner at male shadow play group na El Gamma Penumbra.
Sina Ms. Universe Philippines 2020 Rabiya Mateo, Manolo Pedrosa, at NCAA hosts Martin Javier at Sophia Senoron ang magsisilbing hosts ng event. Kasama pa nila si NCAA anchorman Anton Roxas at ang Season 97 courtside reporters na sina Ann Gabriel, Avia Zunic, Chantal Laude, Aya De Quiroz, Chloe Carillo, Chase Orozco, Christiana Dimaunahan, Eden Hernandez, Lance Santiago, Michelle Naldo, Sofia Rodelas, Christian Sebastian, at Baileys Acot. Bukod kay Julie, dapat ding abangan ang performances nina Garrett Bolden, Thea Astley, Jessica Villarubin, Mariane Osabel, Jeremiah Tiangco, Nef Medina, Vilmark Viray, at Anthony Rosaldo. Tampok din sa opening ang NCAA Season 97 Cheerleaders.
Ang ‘Stronger Together. Buo ang Puso: NCAA Season 97 Opening Ceremonies’ ay mapapanood ngayong Sabado March 26, 2:30 PM pagkatapos ng Eat Bulaga at simulcast sa GMA at GTV. Ang first set ng live basketball games ay mapapanood sa GTV sa ganap na 3:30 PM (CSB Blazers vs Letran Knights) at 7:05 PM (San Beda Red Lions vs LPU Pirates).
