Mari Thess
Unang araw pa lang ng release ng kaniyang bagong single under GMA Music na “Our Love,” nasungkit na agad ni Kapuso Soul Balladeer Garrett Bolden ang top spot sa iTunes Philippines.
Sariling komposisyon ito ng The Clash alumnus at nais pa raw niyang magbahagi ng sarili niyang musika para sa Kapuso listeners.
Kuwento ni Garrett sa nakaraan niyang interview, “This is like my debut of bringing out songs that are really created by myself so I really want to do this big time. If now po, I have proven na kaya ko rin palang gumawa ng mga kanta ko, gusto ko pa pong i-enhance ‘yung skill na ‘yun and eventually po makabuo ako ng album.”
Available na for streaming ang “Our Love” sa iTunes, Spotify, Youtube Music at iba pang digital stores.
