Mari Thess
May bagong larong dapat abangan sa ‘Tutok to Win’ sa Wowowin – ang ‘Spin A Wil’!
Noong September 4, ipinakita mismo ng TV host na si Willie Revillame kung paano laruin ang ‘Spin A Wil.’
Paliwanag ni Willie, ang mapalad na matatawagan para sa bagong laro ay mananalo agad ng PhP 10,000. Kapag tama naman ang sagot sa tanong ni Willie, magkakaroon ang viewer ng pagkakataong paikutin ang roleta.
Makikita sa roleta ang mga big time na papremyo. Maaaring manalo ng PhP 10,000, PhP 20,000, PhP 30,000, PhP 50,000, PhP 100,000, Wil Kart, Kitchen Showcase, Living Room Showcase, at Electronics Showcase.
Excited na ba kayo, mga Kapuso? Abangan ang Wowowin mula Lunes hanggang Biyernes sa TV at sa official verified social media accounts ng programa.
