Mari Thess
Hindi lang sa Pilipinas minahal ang GMA Afternoon Prime series na ‘Hindi Ko Kayang Iwan Ka’ na pinagbidahan ni Yasmien Kurdi kundi maging sa Ecuador ay hit na hit ito.
Sa katunayan, bumuhos ang papuri ng Ecuadorian viewers sa pagtatapos ng airing ng adbokaserye sa kanilang bansa.
Sa Instagram post ni Yasmien, pinasalamatan niya ang lahat ng nanood at tumangkilik sa kanilang programa.
Memorable rin sa Kapuso actress ang serye niya na ito dahil nagwagi siya bilang Best Drama Actress award sa 32nd Star Awards para sa kanyang performance bilang si Thea Balagtas.
