Catri Onay
Maganda ang panimula ni Janine Gutierrez sa pagpasok ng 2019 dahil meron agad siyang isang project na talagang machachallenge sila.
Noong Lunes (January 14) nga lamang ay nagkaroon ng story conference ang upcoming series niyang “Dragon Lady” kung saan nareveal na fantaserye pala talaga siya at kailangan ni Janine na mag-prosthetics para sa ilang mga eksena.
So totohanang may-dragon talaga ito? Hindi katulad ng ‘Dragon Lady’ ng “Mano Po” ni Maricel Soriano?
Sa isang pahayag ni Janine sa GMA Network, ibinahagi niya ang magiging preparations niya sa pagganap bilang “Dragon Lady.”
“Exciting talaga siya kasi bukod sa pagiging isang dragon lady na talagang may misteryo at may kaakibat na fantasy ‘yung anyo niya, lalabas din ‘yung pagiging dragon lady niya sa pagiging matapang, sa pagiging palaban.
“So buong-buo ‘yung pagiging dragon lady niya kaya excited ako sa challenges na kasama sa role na ito.”
Mukhang exciting ito ah!
