Marian Rivera, muling nagluto ng pagkain para sa frontliners

Made with love ang panibagong handog ni Kapuso Primetime Queen Marian Rivera-Dantes para sa magigiting nating frontliners.

Sa Instagram, ibinahagi ni Marian kung paano niya ipinagluto ng packed spaghetti meals ang frontliners ng UP NIH at National Center for Mental Health.

Ayon sa “First Yaya” actress, “Another special day in the kitchen as I prepare some snacks for our frontliners at the UP NIH and National Center for Mental Health. Hope you’ll enjoy this meal I made for you. Stay strong and healthy. Maraming salamat sa inyo!”

Nitong nakaraang April 1 ay pinagluto rin ni Marian ng special menudo ang Quezon City General Hospital frontliners.