Catri Onay
Talagang pinaghandaan ng GMA Network ang itatapat sa show ni Vice Ganda na “Gandang Gabi Vice” na magwa-walong taon na sa ere at talaga namang hindi matibag-tibag.
Bago pa man sumalang sa ere ang itatapat sa “Gandang Gabi Vice,” ilang buwan munang hinasa sa online show sina Boobay at Tekla na masasabi naman nating malaki ang naging improvement since nung nagsimula sila.
At ngayon na mataas na ang hits nila online, heto na’t ibinabala na sila ng GMA Network ngayon, deretsahan na against sa show ni Vice Ganda.
Ang dating pang-Thursday na sayang hatid nina Boobay at Tekla sa kanilang online viewers ay dadalhin na sa TV ng GMA Network tuwing Linggo ng gabi pagkatapos ng “Kapuso Mo, Jessica Soho” at magiging first airing nila ay sa January 27 na.
Ang tanong lang ay: Madala kaya nina Boobay at Tekla ang mga viewers nila from online to TV?
Makikita natin ‘yan sa ratings na lalabas.
