Anna Vicente, naghahanda na para sa ‘Ang Dalawang Ikaw’

Parte ng bigating cast ng upcoming GMA Afternoon Prime series na ‘Ang Dalawang Ikaw’ ang Kapuso actress na si Anna Vicente. 

Magsisilbi itong big break ni Anna kaya naman sinisigurado raw niya na magagampanan niya ng maayos ang kanyang karakter, “For Ang Dalawang Ikaw, sinend po sa amin ‘yung script beforehand, so talagang super basa po ako ng script and we went sa workshops din through Zoom to practice the characters.”

Matatandaan na dating sumali sa Little Miss Philippines ng Eat Bulaga si Anna. Kuwento rin niya, talagang bata pa lang siya ay pangarap na niyang maging isang artista at gumanap sa iba’t ibang klaseng roles.

Abangan ang magiging papel ni Anna sa ‘Ang Dalawang Ikaw,’ malapit na sa GMA-7!