in

ABS-CBN Superview, ipinapalabas ang ‘I Love You, Hater’ at 10 Star Cinema Classics sa YouTube

Labing-isang pelikula ang libreng mae-enjoy ng YouTube subscribers sa buong mundo sa pamamagitan ng ABS-CBN Superview ngayong Nobyembre.

Tuloy-tuloy ang kilig sa panonood ng “I Love You, Hater” nina Joshua Garcia at Julia Barretto, “The Achy Breaky Hearts” nina Jodi Sta. Maria, Richard Yap, at Ian Veneracion, “You’re My Boss” nina Coco Martin at Toni Gonzaga, at “Love Me Again” nina Angel Locsin at Piolo Pascual.

Para naman sa naghahanap ng katatakutang nakakapanindig-balahibo, idagdag sa listahan ang “Clarita,” “Da Possessed” ni Vhong Navarro, at ang “Cinco” na naglalaman ng limang nakakakilabot na istorya.

Nariyan din ang Star Cinema classics na “Anak” nina Claudine Barretto at Vilma Santos, “Patayan sa Sindak si Barbara” ni Lorna Tolentino, “Sa Aking Mga Kamay” nina Aga Muhlach at Christopher de Leon, at ang action-romance film na “Ooops, teka lang… Diskarte ko ‘to!”

Mas maraming “MMK” episodes din ang napapanood sa YouTube sa patuloy na pagdiriwang ng ika-30 anibersaryo ng drama anthology. Magbibigay ng inspirasyon sa buong pamilya ang “Lobo” episode na pinagbidahan nina Piolo at Regine Velasquez, “Regalo” ni Ate Vi, at iba pa gaya ng “Blusa,” “Pedicab,” “Rehas,” “T-shirt,” “Piso,” “Kwintas,” at “Singsing.”

Maabalik-balikan naman ang kilig na hatid ng Kathniel sa kumpletong episodes ng “Princess and I” at nina McCoy de Leon at Heaven Peralejo sa “Wansapanataym Presents Mr. CutePido”.

Mae-enjoy pa ang mga ito at maraming pang iba sa ABS-CBN Superview kapag nag-subscribe sa YouTube channels ng ABS-CBN Entertainment, Star Cinema, and Black Sheep.

Written by Mari Thess

Leave a Reply

Your email address will not be published.

Netizens, naantig sa mga kwento sa ‘Andito Tayo Para Sa Isa’t Isa: Ang Christmas ID Ng Mga Pilipino’ ng ABS-CBN

‘Drive-in Cinema One Christmas’ ipapalabas ang ‘Spencer’ ngayong December 4