Mari Thess
Ibang level ang sweetness nina pa-girl direktor at young actor. Pero hindi raw sure ng source kung totoo ang ipinapakita ng binata o kailangan n’ya lang si direk para magka-project.
O kaya naman sa kabilang banda super bet ni direk ang hunky young actor kaya bitbit sa mga bagong project.
Iba talaga ang nagagawa ng katawan. May pagkamalandi rin kasi talaga ang binata na ito lalo na sa mga beking magagamit n’ya para magkaroon ng trabaho.
Talagang hinayaan na ng management na magkalat ang kanilang mga alaga. Halos lahat kasi sa mga alaga ng management ay involved sa malalaswang activities kapalit ng datung.
Kwento ng source, may pagka-character actor ang binata na pwede n’yang magamit sa mga casting kaso raw ay unti-unti na ring yumayabang kagaya ng dati n’yang kasamahan.
Dahil kaya ito sa mga taong nakakasama n’ya at nasa paligid n’ya kaya s’ya yumayabang? Wala bang character development program ang management? Or hindi man lang tinatapik kapag napapansing nalulunod na sa isang basong tubig?
Dagdag ng source, kapag hindi ‘yan natapik, magiging katulad din ‘yan ng isa n’yang kasamahan na lumaylay ang karera dahil sa kayabangan.
Pagtatapos ng aming kausap, sa ngayon may kapit kay direk dahil baka betsung talaga s’ya o may pagnanasa, pero napansin na ng tao ang attitude, mawa-waley na! Ganun, di ba?
