Mari Thess
May dalang iba’t ibang emosyon ang Kapuso OST Princess na si Hannah Precillas sa kaniyang bagong EP under GMA Music na pinamagatang ‘Hannah Precillas Sessions’ ngayong Mayo 25.
Paniguradong matutuwa ang listeners sa live performance niya ng mga kantang ‘Munting Hiling’ na isinulat ni Vehnee Saturno at originally performed by Kapuso host Willie Revillame; ‘Hiram na Sandali’ ni Ella May Saison; ‘Awit Kay Inay’ ni Carol Banawa; at ang panibagong bersyon ng kaniyang single na ‘Sabi Ko Na Nga Ba.’
Ibinahagi ni Hannah ang naging experience sa pagre-record ng kaniyang EP, “It may not be perfect but I want to make sure na ‘yung mga taong makikinig nito ay hindi madi-disappoint. Kasi from the audio recording to video shoot, lahat ay aking “sariling sikap and diskarte” because of the pandemic. But now, I am very happy and very excited for everyone to finally hear it and also I feel so grateful that I’ve done another milestone in my life.”
Dagdag pa niya, nais niyang maka-inspire ng tao sa pamamagitan ng kaniyang musika, “Gusto kong maiparating sa mga listeners that no matter what kind of challenges or hardships we face in our lives, if you’re passionate enough to fulfill your dreams and this makes you truly happy, you can surely do something about it to make it happen.”
Simula Mayo 25, available na for streaming ang ‘Hannah Precillas Sessions’ sa GMA Music YouTube channel, Spotify, Apple Music, YouTube Music, at iba pang digital stores worldwide.
Para sa iba pang updates tungkol sa paboritong ninyong Kapuso shows at artists, bisitahin ang www.GMAnetwork.com
