Mari Thess
Tiyak na makaka-relate ang mga mommies sa latest single ng Kapuso singer na si Maricris Garcia na pinamagatang ‘Nang Ika’y Dumating.’
Inilabas ito ng Playlist Originals, ang sub-label ng GMA Music.
Sa awitin na ito, ibinahagi ni Maricris ang kaniyang journey bilang first-time mom. Isinilang niya noong January ang kanilang baby girl na si Adaiah Denise.
Kuwento niya sa isang Instagram post, “This Mother’s Day is extra special for me not just because it is my first time to celebrate it, but also because together with the GMA Playlist Musicians, we recorded this song, especially for mothers. Reminding us that we don’t need a specific day to honor our mothers.”
Sa panulat ni Rina Mercado, mapapakinggan na ang ‘Nang Ika’y Dumating’ via digital platforms worldwide.
