Mari Thess
Hindi lang bagong hairstyle ang ibibida ni Kapuso comedienne at TV host Eugene Domingo kundi pati na rin ang new episodes ng award-winning comedy anthology na ‘Dear Uge Presents’ na dapat abangan ng viewers simula May 30.
Kamakailan ay ipinasilip ni Eugene ang kanyang shorter hairstyle bilang paghahanda sa pagbabalik-taping niya para sa fresh episodes ng Dear Uge.
Mula sa behind-the-scene photos sa kanilang lock-in taping ay mapapansing excited na rin si Eugene na mapanood ng viewers ang nalalapit na new episodes ng Dear Uge.
Aniya, “Watch out for #DearUge fresh na fresh episodes! We are always happy to resume. #TheMostFlexible show in the planet! Ty Lord. Simula May 30 sa GMA. #StaySafe.”
Tutukan ang mga bagong paandar at good vibes na hatid ng brand-new episodes ng ‘Dear Uge Presents’ simula May 30, sa GMA-7.
