Mari Thess
Mas magiging kapana-panabik ang panonood tuwing hapon sa pagbabalik ng teleseryeng ‘Ang Dalawang Mrs. Real’ sa GMA Afternoon Prime!
Simula Lunes, muling matutunghayan ang kuwento ni Anthony Real (Dingdong Dantes) at ang dalawa niyang asawa na sina Millet Gonzales-Real (Maricel Soriano) at Shiela Salazar-Real (Lovi Poe).
Masasaksihan sa dramang ito kung paano ipaglalaban ng dalawang asawa ang karapatan nila sa buhay ng lalakeng pinili nilang mahalin.
Parte rin ng powerhouse cast ang mga beteranong aktor na sina Robert Arevalo, Celeste Legaspi, Tommy Abuel, Jaime Fabregas, Susan Africa, Alessandra de Rossi, at Ms. Coney Reyes.
Sino ang kakapit? Sino ang bibitaw? At sino ang magbabayad upang itama ang pagkakamaling dulot ng pag-ibig?
Abangan ang rerun ng ‘Ang Dalawang Mrs. Real’ sa GMA Afternoon Prime ngayong Lunes, Marso 29, pagtapos ng Babawiin Ko Ang Lahat, sa GMA-7.
