Mari Thess
Muling kinilala ang kalidad ng internationally-acclaimed GMA primetime series na Descendants of the Sun (The Philippine Adaptation) matapos makatanggap ang buong cast at ang creative at production teams nito ng commendation mula mismo kay GMA Chairman and CEO Atty. Felipe L. Gozon.
Ipinarating ni Atty. Gozon ang kanyang pagbati sa hindi matatawarang husay at dedikasyon na ipinamalas ng lahat sa kabila ng hirap at pagsubok na dulot ng pandemya sa entertainment industry.
Aniya, “On behalf of GMA Network, Inc., please accept my heartfelt congratulations to all of you for a job well-done. Your passion for excellence truly reflects our commitment to provide only the best entertainment programs for our audience worldwide and across media platforms.”
Ang DOTS PH ang first and only Philippine television production na nakatanggap ng ‘Most Popular Foreign Drama of the Year’ award mula sa Seoul International Drama Awards. Bukod diyan, ito rin ang first GMA drama na napapanood sa popular streaming site na Netflix Philippines.
