Mari Thess
Kinilala bilang Best Actress sa 10th International Film Festival Manhattan ang Kapuso star na si Lovi Poe para sa kanyang magaling na pagganap bilang isang violent wife sa 2019 film na “Latay.”
Hindi makapaniwala ang bida ng “Owe My Love” sa parangal na kanyang natanggap. “I have never portrayed the role of a violent wife to a battered husband. To say it was challenging is an understatement. I am fond of taking on off beat roles and doing projects like this that raises awareness about domestic violence, particularly towards men, which isn’t documented as much. Thank you Cinema Bravo and the International Film Festival Manhattan,” pahayag ni Lovi sa kanyang Instagram post.
Tiyak namang pakikiligin at patatawanin ni Lovi ang viewers sa upcoming romantic-comedy series ng GMA Public Affairs na “Owe My Love” kung saan gagampanan niya ang karakter ni Sensen Guipit kasama si Benjamin Alves bilang si Doc Migs Alcancia.
Balita namin ay bukod sa love story ng dalawa, dapat ding abangan ang pagtalakay sa financial literacy ng nasabing Kapuso serye. Excited na rin ang viewers sa sayang hatid ng iba pang cast na kinabibilangan nina Aiai delas Alas, Winwyn Marquez, Jackie Lou Blanco, Nova Villa, Leo Martinez, Ruby Rodriguez, Pekto Nacua, Buboy Villar, Kiray Celis, Ryan Eigenmann, Jelai Andress, Jon Gutierrez, Jason Francisco, Divine Tetay, Terry Gian, at Mahal.
