Heart Evangelista, maghahatid ng inspirasyon sa isang global event

Parte ng bigating line-up ng speakers ang Kapuso star at Queen of Creative Collaborations na si Heart Evangelista sa gaganaping Global Town Hall session na ‘Light at the End of 2020: What Worries Me, What Give Me Hope,’ bukas, November 20.

Ang event na ito, na may temang “Rebuilding From The COVID-19 World,” ay inorganisa ng grupo ng mga respetadong political/economic experts mula sa iba’t ibang bansa tulad ng Australia, France, India, Indonesia, Mexico, Russia, United Kingdom, at United States.

Samahan si Heart sa kaniyang pagbabahagi ng mensahe ng pag-asa para sa mga manonood mula sa sariling niyang mga karanasan ngayong quarantine. Siya ang kaisa-isang Filipino celebrity na magiging parte ng makahulugang event na ito.

Bukas para sa lahat at libre ito kaya kumuha na ng sariling streaming pass sa www.gth2020.com!