Mari Thess
Inaabangan na ng fans ang release ng official music video ng latest single ni Kapuso artist Anthony Rosaldo na pinamagatang ‘Pwedeng Tayo.’
Siya mismo ang gaganap dito at kasama niyang magpapakilig ang StarStruck Season 7 alumna na si Rere Madrid.
Limang araw na lang at mapapanood na ito sa YouTube channel at iba pang social media accounts ng GMA Music kaya huwag magpapahuli, mga Kapuso!
Samantala, napapanood din si Anthony sa weekend variety show na ‘All-Out Sundays’ tuwing Linggo kasama ang iba pang mahuhusay na Kapuso performers.
