Max Collins, pinagbigyan ang request ng fellow mommies

Marami ang na-curious sa paraan ng pag-inom ng first time Kapuso mom na si Max Collins ng kaniyang placenta smoothie na nakatulong umano sa pagpapadede niya sa anak na si Baby Skye Anakin. 

Ilan sa mga tulad niyang baguhan sa motherhood ang nag-request na ibahagi niya kung papaano gawin ang nasabing inumin kaya naman sa kaniyang latest vlog, inimbitahan ni Max ang kaniyang doula na si Irina Otmakhova para turuan sila.

Dalawang placenta smoothie recipes ang shinare ng aktres sa kaniyang subscribers at kinuwento na rin niya sa video ang kung paano siya natutulungan ng experience na ito. Mapapanood ang nasabing video sa YouTube channel ni Max.