Mari Thess
Alamin kung bakit nga ba puno ng kamalasan ang karakter ni Tom Rodriguez sa fresh episode ng award-winning drama anthology na ‘Dear Uge Presents: Read My Heart’ ngayong Linggo (Oktubre 25).
Matapos ang kanilang hindi matigil na bangayan, malalaman ni Lalai (Eugene Domingo) na puno pala ng problema ang buhay ng kanyang English tutor na si Elmer (Tom Rodriguez) at ang dahilan ng pagiging matampuhin nito ay ang ex-girlfriend niyang si Claire (Thea Tolentino).
Mas mauunawaan na ngayon ni Lalai si Elmer at ganoon din naman ang lalake na mare-realize na mabait na tao pala si Lalai na may positive outlook sa buhay. Kalaunan, naging matalik na magkaibigan din ang dalawa.
Ngunit panibagong kamalasan naman ang haharapin ni Elmer dahil may grupo na magbabanta sa buhay niya. Ano kaya ang dahilan nito? Sinu-sino sila? Magkabalikan kaya sina Elmer at Claire sa tulong ni Lalai?
Tutukan ang ikalawang bahagi ng ‘Dear Uge Presents: Read My Heart’ ngayong Linggo, 2:45PM, sa GMA-7!
