Mari Thess
Waging “Pinakapasadong Aktor” si Asia’s Multimedia Star Alden Richards sa ginanap na ika-22 Gawad Pasado nitong Sabado, October 10.
Buong pusong nagpasalamat ang Kapuso actor sa mga Dalubguro mula sa Philippine Normal University na pumili sa kanya sa mahusay niyang pagganap sa pelikulang Hello, Love, Goodbye noong 2019.
“Isang malaking karangalan po na nabigyan ako ng award mula po sa inyong samahan. Nagpapasalamat po ako. Sa uulitin po. Thank you for this award kahit medyo na-late tayo dahil mayroon tayong pandemic ngayon. “
Ang Gawad Pasado ay taunang pagkilala sa mga natatanging Pilipino sa larangan ng pelikula at telebisyon. Ito ay binubuo ng mga miyembro ng Pampelikulang Samahan ng mga Dalubguro mula sa Philippine Normal University.
