Mari Thess
Pinusuan ng K-pop group na BTS ang dance cover ng Kapuso actor na si Ruru Madrid ng kanilang Billboard Hot 100 hit na “Dynamite.”
Featured ang video ni Ruru na mayroon nang mahigit 4 million views sa official TikTok account ng BTS.
Hindi naman makapaniwala si Ruru na muli siyang napansin ng popular na Kpop group. “Pero iniisip ko na lang na para sa Filipino ARMYs na ‘pag napapansin ‘yung kapwa nating Pinoy, sobrang nakakatuwa ‘yun kasi napapansin nila ‘yung country natin,” kuwento niya sa GMANetwork.com.
Nag-post din si Ruru ng acoustic cover ng Dynamite sa kanyang Instagram na mayroon nang mahigit 47,000 views sa ngayon.
Samantala, patuloy pa ring napapanood si Ruru sa rerun ng Encantadia gabi-gabi sa GMA Telebabad.
