Mari Thess
Tuloy na tuloy na ang pagbabalik-telebisyon ng pinag-uusapang Pinoy adaptation ng Descendants of the Sun ng GMA-7 dahil naghahanda nang magbalik-taping ang cast and crew sa susunod na buwan.
Bago sumabak sa taping, dadaan sa masusing paghahanda at swab testing ang lahat ng artista at production team ng DOTS Ph. Matapos ang self-quarantine ng cast and crew, sampung araw lang din ang itatagal ng kanilang taping kung saan limitado lang ang bilang ng tao at walang pwedeng lumabas sa location.
Ilan lang daw ito sa strict health protocols na mahigpit na sinusunod ng Kapuso Network sa pagbabalik-taping ng kanilang shows sa ilalim ng new normal.
Samantala, bukod sa pagbabalik-taping, masaya rin ang cast at bumubuo ng DOTS Ph dahil dumating na sa bansa ang trophy para sa award nilang ‘Most Popular Foreign Drama of the Year’ mula sa Seoul International Drama Awards. Tutukan ang much-awaited comeback ng DOTS Ph sa GMA-7!
