Mari Thess
Pinasok na rin ng Magkaagaw star na si Klea Pineda ang mundo ng vlogging.
“First of all, kinatatakutan ko talaga ‘yung editing kasi hindi ako magaling mag-edit. Pagkasimpleng video lang na may background music at may simpleng cuts, okay lang sa akin ‘yun. Pero ‘pag ganito kasi ang daming effects, ang daming kailangan gawin, so parang ako, ‘yun ‘yung iniisip ko. Kung mag-start ako ng vlog, kaya ko bang mag-edit? ‘Yun ‘yung isa sa kino-consider ko,” pag-amin ni Klea.
Para sa kanyang unang video, nagbahagi si Klea ng 25 facts tungkol sa kanya na maaaring hindi pa alam ng kanyang fans – mula sa kanyang style hanggang sa kanyang pangarap na maging piloto.
“‘Yung pagpi-piloto gusto kong ma-prove sa mga tao na hindi lang panlalaki ‘yun. Well, marami na ring piloto na babae ngayon and gusto kong maging isa dun. Parang nakaka-proud na nagagawa mo ‘yung akala ng tao before na panlalaki lang talaga,” lahad ng Kapuso actress.
Para sa full vlog ni Klea, bisitahin lang ang kanyang YouTube channel. Huwag ding kalimutan i-click ang subscribe button para maging updated sa lahat ng activities niya. Maaari ring mapanood si Klea sa aired episodes ng Magkaagaw sa GMANetwork.com o GMA Network app!
