Anthony Rosaldo, tanggap na ang “new normal”

Kahit nasa bahay lang, abala ngayon ang Kapuso singer na si Anthony Rosaldo sa pagpo-promote ng kanyang latest single sa ilalim ng GMA Music na “Pwedeng Tayo”.

Nagpapasalamat din siya sa lahat ng mga sumusuporta dahil laman ng music charts ang kanyang kanta. Gayunman, miss na rin daw ni Anthony ang pagtatrabaho sa labas. 

“Namimiss ko yung face to face interaction sa work, fans, friends and everyone. Iba pa rin yung nakakausap mo ng personal at nahahawakan mo yung mga tao sa buhay mo. Too much Zoom meetings na tayo ngayon. Haha! Pero that’s the new normal. Para maging safe tayong lahat,” aniya. 

Available na ang “Pwedeng Tayo” sa digital stores worldwide.