Mari Thess
Maraming dapat abangan ngayong Hulyo at una na rito ang espesyal na pagbabalik sa ere ng minahal ng lahat na GMA Public Affairs show na Wish Ko Lang!
Talaga namang napapanahon ang comeback nito dahil sa ilang buwan na rin nating pakikipagbuno sa COVID-19, ang mga programang nagbibigay ng pag-asa at inspirasyon ang hinahanap-hanap nating mapanuod.
Siyempre pa, makakasama na naman natin ang ating fairy godmother na si Vicky Morales.
Curious na kami kung paano gagawin ng programa ang pag-grant ng wish ng ating mga kababayan lalo na’t ipinatutupad pa rin ang physical distancing at pinagbabawalan pa rin ang mass gathering.
Pero ‘ika nga ng kanta ng Wish Ko Lang!, na ilang taon din nating ikina-LSS–“walang imposible”.
