Mari Thess
Mas tumaas ang respeto ni Neil Ryan Sese sa bike couriers ngayong naranasan na rin niya ang pagde-deliver sa pamamagitan ng pagba-bike para sa kanyang seafood business.
Panawagan ng Descendants of the Sun PH star, mahalaga na magbigay ng respeto para sa fellow bikers pati na rin sa mga bike lane upang maiwasan ang mga aksidente sa kalsada.
Sa isang documentary ng Padyak Exploration, ibinahagi ni Neil ang isang karaniwang araw sa kanyang buhay bilang isang food courier gamit ang bike sa paghahatid ng mga order.
Ani ng Kapuso actor, “Unang-una, nakakataba talaga ng puso na nakakatulong ako sa kanila, sa mga rider. Kasi noong una talaga, noong first few weeks nila, ‘yung isa parang naluha pa noong malaki ‘yung kinita niya e. First day niya, PhP850, parang ganun. At least ‘yung ganung bagay parang fulfilling ba na nakatulong ka sa tao.”
