Rhian Ramos, relieved na sa Pilipinas inabutan ng quarantine

Masuwerte raw ang Kapuso actress na si Rhian Ramos dahil sa Pilipinas siya inabutan ng quarantine at hindi sa ibang bansa. Matatandaang nagpunta ng New York si Rhian para mag-take ng ilang comedy courses.

Hindi raw niya ma-imagine kung doon siya inabutan ng quarantine dahil paniguradong ikina-stress niya ang hirap sa pag-contact sa pamilya niya.

Kuwento ni Rhian, “Alam mo ‘yung feeling na hindi mo alam ‘yung situation doon. I was worried about my family, tapos umiyak ako. Wala pa kong balita, wala pang nagre-reply sa text ko, ‘yun ‘yung stress. Pero ngayon nasa iisang time zone lang tayo so madali lang kamustahin yung pamilya ko. Pero kung sa New York? Mag-struggle ako ngayon. Kasi mahirap ‘yung mga first time mag-adulting. Mahirap siya right now kung hindi ka naman marunong to do all of your chores or to feed yourself. Tapos ito pa ‘yung nangyayari sa mundo.”

Samantala, muling napapanood si Rhian sa rerun ng ‘Stairway to Heaven’ sa GMA Afternoon Prime.