Mari Thess
Magkakaroon ng online concert ang Kapuso actress na si Kyline Alcantara ngayong Biyernes (June 5), 4pm.
Sa pamamagitan ng isang Instagram post, inanunsyo ng concert director na si Marvin Caldito na pangungunahan ng Bilangin ang Bituin sa Langit actress ang fundraiser upang suportahan ang Love Plus Charity Foundation at CRIBS Foundation Inc. bilang bahagi ng Legion Music Festival.
“Proceeds will go to a foundation that helps fight Covid-19 and a non-profit organization that provides a loving and safe environment for the abandoned babies and female minor survivors of sexual abuse,” aniya.
Ang online fundraising concert ay sabay-sabay na mapapanood sa official YouTube, Facebook, and Instagram accounts ng Legion Music Festival.
