Carlo Gonzales, ipinasilip ang baby boy nila ni Luane Dy

Nasulyapan ng followers ni Kapuso actor Carlo Gonzales ang baby boy nila ni Luane Dy na si Jose Christiano. Pinanganak ni Luane ang kanilang unico hijo noong nakaraang Mayo 2.

Sa kanilang Instagram accounts, pinost ng mag-asawa ang kamay ng kanilang anak matapos itong ipanganak na sinamahan ni Luane ng isang touching message, “Anak, salamat sa ligayang iyong dala. Nawa’y hindi tayo mawalay hanggang sa aking pagtanda. Buong buhay kong pagmamahal dayo’y ipadarama. Masuklian lamang sa aki’y tunay mong halaga. Ikaw ang buhay ng aking buhay sinta. Tunay, mahal na mahal kita. I love you son.”