Mari Thess
Sa isang Instagram post, ibinahagi ni Tom Rodriguez ang “GUHIT PANTAWID: Portraits for a Cause”, isang paraan upang makatulong sa mga drivers, street vendors, at construction workers na apektado ng enhanced community quarantine.
Sa minimum donation amount na Php 500, iguguhit ni Tom ng online portrait ang mga magdo-donate sa mga nasabing beneficiary.
Maaaring ipaabot ang tulong na pinansyal sa mga sumusunod na Facebook groups: ‘SuperTsuper’ for Drivers, ‘#PasokMgaSuki’ for Street Vendors, at ‘Tulong sa Construction Worker’ for Construction Workers.
Para ma-claim ang online portrait, sagutan ang Google Form na bit.ly/guhitpantawidkalakip ng donation slip at portrait reference photo hanggang April 17.
Sey ng fans sa ‘Love of my Life’ actor, isang napakagandang paraan raw ito para gamitin ang talento niya sa pag-guhit. Nawa’y marami pang ma-inspire na tumulong!
