Mari Thess
May special run ng fresh episodes ang cooking show na Idol sa Kusina at mapapanuod ito sa GMA-7 simula ngayong Linggo (August 16) ng umaga.
Ito ‘yung mga na-tape na episodes nina Chef Boy Logro at Chynna Ortaleza bago ipatupad ang community quarantine. Special guest nila sa fresh episode ngayong Linggo si Vaness del Moral na susundan naman ni Mika Gorospe sa August 23.
Isa ang Idol sa Kusina sa long-standing programs ng GMA News TV. At last July pala ay ika-9 na taon na nito sa telebisyon. Sayang at dahil na rin sa pandemya ay hindi gaanong makapag-celebrate sina Chef Boy at Chynna.
Pero kahit walang anniversary episodes ang show, happy pa rin ang hosts dahil nananatiling malakas ang kanilang show. Mas mahalaga nga naman ang pagiging safe ng bawat isa sa panahon ngayon. At dahil stay at home pa rin tayo, maraming matutuwa sa mga inihandang putahe nina Chef Boy para sa Idol viewers.
Mapapanuod ang new episodes ng Idol sa Kusina simula ngayong Linggo (August 16), 10:05 a.m. sa GMA-7. Para naman sa mga yummy throwback episodes, tutok pa rin sa GMA News TV sa original timeslot ng programa tuwing Linggo, 7:50 pm.
