Christian Bautista, streamer na rin?

Sa first episode ng ‘Sarap ‘Di Ba? Bahay Edition’, tampok ang condo tour ni Asia’s Romantic Balladeer Christian Bautista. Industrial at maraming wood elements ang theme na napili nila ng asawang si Kat Ramnani, “I really like wood surroundings and slightly industrial. Si Kat also prefers wood, pero mas gusto niya parang California feel. From time to time I brush up my landscape design kasi I took up Landscape Architecture.”

Dagdag na kuwento ng ‘The Clash’ judge, mas madalas na nagluluto ang asawa niya. “Ang mas nagluluto ay si Kat, ako mas nagkakape at kumakain. May nabasa akong article na kapag stressed ka, puwede kang maghugas ng plato and the stress level will go down. Plus your wife will love you more,” biro ni Christian.

Ibinahagi rin niya na paminsan-minsan ay nag-i-stream siya ng online games kahit simpleng setup lang ang gamit niya. “From time to time I also stream games. It’s weird right? Parang why is this balladeer streaming games? This is my setup here. It’s very simple. It’s not like Alden Richards’.”