Benjamin Alves, bata pa lang mahilig nang magbasa

Ibinahagi ng Kapuso leading man na si Benjamin Alves ang kanyang hilig sa pagbabasa sa GMA Artist Center online show na Cool Hub. 

Sa panayam ni Chinito Cutie Manolo Pedrosa na isa ring bookworm, ikinuwento ni Ben na 5 years old pa lamang siya nang magsimula siyang mahilig sa pagbabasa ng libro.
 
“It started from reading comic books, collecting comic books. I still have them, wala lang dito sa Pilipinas,” aniya. 
 
Dagdag pa ni Ben, “I’ve been an advocate and I’m passionate about reading books. Actually, it’s not the books itself but the stories that you can learn from it. Creative writing, anything that has to do with story-telling, it’s something that I’m passionate about.”

Samantala, ang “Inang Reyna” naman ng K-pop world na si Happee Sy-Go ang guest collector of the week na makakasama ni Myrtle Sarrosa bukas (October 3), 10:30am, sa Cool Hub. Abangan ‘yan sa GMA Artist Center YouTube channel at GMA Network Facebook page.