Alden Richards, magaan ang loob kay Jasmine Curtis-Smith

Hindi raw nahirapan si Asia’s Multimedia Star Alden Richards na makapalagayan ng loob ang leading lady niya na si Jasmine Curtis-Smith sa ‘I Can See You: Love On The Balcony’ na nagsimula na last Monday.

Malaking tulong daw na nakatrabaho na niya before si Jasmine.

Dagdag pa ni Alden, kahit na maraming health protocols na kailangang sundin sa set, naging magaan daw ang taping para sa naturang serye dahil sa magandang samahan nila ng kanyang co-stars.

Bumuhos naman ang positive feedback mula sa viewers ng bagong drama anthology, “That was a great first episode. Light lang pero established na yung character traits ni Lea and Iñigo.”
 
Mapapanood ang ‘I Can See You: Love On The Balcony’, 9:15PM, pagkatapos ng Encantadia sa GMA Telebabad.