John Feir, excited nang magbalik-trabaho sa ‘Pepito Manaloto’

Looking forward na ang Kapuso comedian na si John Feir na muling mag-taping para sa award-winning Kapuso family sitcom na Pepito Manaloto: Ang Tunay Na Kuwento. 

Na-miss na raw ng husto ni John na makatrabaho ang kanyang co-stars sa programa.

Sa kanyang Instagram post, napa-throwback ang komedyante at ipinakita sa kanyang followers ang isang group photo kasama ang cast at production team ng show. At tila nagpahiwatig pa nga ito na nalalapit na ang pagkikita-kita nila para muling magtaping. 

Aniya, “Guys practice lang to ha next time tayo magpa picture di na puedeng tabi tabi. Lapit na tayo magkita kita #socialdistancing #staysafe #PepitoManaloto.”