Mari Thess
Noong July 18 ay nanganak na ng baby girl ang Kapuso host na si Iya Villania. At kahapon (July 20), nakauwi na sila ng asawang si Drew Arellano sa bahay.
Sa Instagram stories ni Drew, cute na cute sina Primo at Leon dahil excited silang makipaglaro sa baby sister na si Alana. Nakipaglaro si Primo ng bato-bato pick, habang si Leon naman ay hinalikan sa noo si Alana.
Kuwento ng Mars Pa More host tungkol kay Alana, “She’s actually a pretty good sleeper but I guess I still haven’t recovered from the early morning contractions. So puyat is real.” Samantala, napapanood si Drew sa ‘Biyahe ni Drew’ at sa ‘New Normal: The Survival Guide’ sa GMA News TV.
