Dingdong Dantes, balik-taping para sa fresh episodes ng ‘Amazing Earth’

Marami ang na-excite sa Instagram post ni Kapuso Primetime King Dingdong Dantes kahapon kung saan ibinahagi niya na balik-taping na siyang muli para sa programang Amazing Earth.

Aniya, “I only remove my mask when I’m at home, and in a place where I am safe because it feels like home. Officially reported for duty this morning at @gmanetwork to deliver fresh episodes for Amazing Earth.”

Pagbibiro pa ni Dingdong ay hiniram muna niya ang suot na chaleko mula sa kapwa Kapuso na si Howie Severino, “Pahiram po muna ng iyong chaleko, ginoong Howie Severino, at magsisimula na muli akong magkuwento.”

Samahan si Dingdong sa kanyang exciting adventures at interesting interviews mula sa local heroes para sa bagong episodes ng Amazing Earth na mapapanood na simula July 26, 5:25 PM, sa Kapuso Network!