Althea Ablan at Elijah Alejo, pinamalas ang husay sa pag-arte sa online show

Napanood ng avid fans at followers ng Kapuso teen stars na sina Althea Ablan at Elijah Alejo ang kanilang husay at galing sa pag-arte matapos nilang subukan ang role reversal sa huling online session ng ‘Prima Donnas: Watch From Home.’

Tagumpay si Althea na maging kontrabida habang si Elijah naman ay pinamalas ang galing sa pagiging bida. Maging ang kanilang co-stars sa serye na sina Katrina Halili at Aiko Melendez ay napabilib ng dalawa.

Isa pa sa intense na aktingan na pinamalas nina Althea at Elijah ay nang muli nilang ire-enact ang trending harapan scene sa serye kung saan lumabas ang kanilang DNA results. 

Samantala, mapapanood tuwing Biyernes ang buong cast sa kanilang online reunion sa ‘Prima Donnas: Watch From Home’ sa official Facebook, Twitter at YouTube accounts ng GMA Network.