Kuwento ng mga delivery rider, tampok sa ‘On Record’ ngayong Martes

Delivery riders ang bibida ngayong Martes (March 23) sa “On Record.”

Marami ang napahanga sa determinasyon ng isang delivery rider na gold medalist para-athlete din pala. Alamin ang kanyang kuwento kasama sina “On Record” hosts Oscar Oida at Mav Gonzales.

Sa railing ng EDSA-Ortigas flyover naman, napadaan ang dalawang delivery rider at may nakita silang binatang nakatayo na tila may iniisip na gawin. Makukumbinsi kaya nila ang binata na huwag ituloy ang kaniyang balak?

Inspirasyon din ang hatid ng isang delivery rider na nakuhanan ng litrato habang pinagsasabay ang kanyang trabaho at pag-aaral.

Abangan ang iba’t ibang kuwentong uukit ng ngiti at kukurot sa inyong puso sa “On Record” ngayong Martes, 11:30 PM, pagkatapos ng Saksi sa GMA.