Althea Ablan, palakas ng palakas ang social media presence!

Patuloy na dumarami ang fans ng Kapuso teen actress na si Althea Ablan lalo na online! Matapos ang matagumpay na pagtatapos ng top-rating GMA Afternoon Prime series na ‘Prima Donnas’ na kinabilangan niya, lalong lumakas ang kaniyang social media presence.

Umabot na sa higit six million followers ang official Facebook page ng aktres. Patok na patok din si Althea sa iba’t ibang platforms tulad ng TikTok, Instagram, at YouTube, kung saan mayroon ng 430,000 subscribers ang channel niya. 

Marami pang dapat abangan mula kay Althea at sa co-stars niya sa Prima Donnas. Samantala, may magandang balita silang handog sa mga Kapuso viewers mamayang gabi sa 24 Oras kaya huwag palalampasin ‘yan!