Sunshine Dizon at Sheryl Cruz, handa na sa pagbabalik ng ‘Magkaagaw’

Ilang araw na lang ay muli nang mapapanood ang drama series na Magkaagaw sa GMA Afternoon Prime kaya naman looking forward na sina Sunshine Dizon at Sheryl Cruz na balikan at ipagpatuloy ang kapana-panabik na kuwento ng programa.

Para sa kanila, isang commitment ang muling pag-ere ng show para mabigyan ng proper ending ang serye.

“It’s our obligation to finish what we started and I think we owe it to the audience na hindi natin sila pwedeng bitinin na hanggang du’n na lang,” ani Sunshine sa panayam ng 24 Oras. 

Tulad ni Sunshine, todo-bigay rin si Sheryl sa kanyang role. Kuwento niya, “’Pagdating sa character ko, I can guarantee that I can give my 110% kasi I still read the scripts na pinapadala sa akin ng production. Kahit papaano, I am still able to practice my lines at ‘di na nangangapa pagdating sa set.”

Huwag nang magpapahuli at abangan ang recap ng ‘Magkaagaw’ sa GMA Afternoon Prime simula ngayong January 18.