Mari Thess
Engrandeng Christmas celebration at mga papremyo ang hatid ng Kapuso stars na makikisaya ngayong Biyernes (Disyembre 11) para sa Lazada 12.12 Super Show: Give Laz on Christmas.
Sa pangunguna ng mahuhusay na Kapuso comedians na sina Michael V., Aiai Delas Alas, at Jose Manalo, mag-add to cart na at tutukan ang kaabang-abang na performances from the brightest Kapuso stars.
Abangan ang kakaibang Christmas duet nina Julie Anne San Jose at Jose. May nakakaaliw ring Christmas number si Aiai kasama sina Mimiyuuh, Edgar Allan Guzman, Ms. Manila Alexandra Abdon, Ms. General Santos Mariel Joyce Pascua, at Ms. Universe Philippines 2020 Rabiya Mateo.
Hindi rin dapat palampasin ang Christmas jukebox musical kasama sina Rhian Ramos, Barbie Forteza, Ruru Madrid, Sam YG, at Kim Molina. Bukod pa riyan, may comedic dance showdown din na inihanda sina Betong Sumaya at Boobay. Mag-enjoy sa performances at over P20 million pesos worth of prizes, vouchers, at negosyo package na hatid ng ‘Lazada 12.12 Super Show: Give Laz on Christmas’ ngayong Biyernes (Disyembre 11), 10:45PM-12MN, sa GMA-7.
