Sef Cadayona, gaganap bilang ‘beki vlogger’ sa bagong episode ng #MPK

Tampok ang buhay ng sikat na vlogger na si John Michael Villaflor sa upcoming fresh episode ng real life drama anthology na #MPK o Magpakailanman ngayong Sabado (December 5).

Gagampanan ni Kapuso comedian Sef Cadayona ang makulay na buhay ni John. Karamihan sa video ni John ay comedy skits tungkol sa mga karaniwang sitwasyon at pangyayari sa buhay ng isa Pilipino. Bago naging vlogger, isang OFW o overseas Filipino worker sa Qatar si John. Nagsimula siyang mag-vlog noong 2019.

Kasama rin sa episode sina Archie Alemania, Leandro Baldemor, Brent Valdes, at Marites Samson.

Tunghayan ang nakakatuwang pagganap ni Sef Cadayona sa “Viral Beki Vlogger: The John Michael Villaflor Story” sa #MPK ngayong Sabado, 8:15 pm, sa GMA-7.