Mari Thess
Ngayong Huwebes, (November 12), makakasama ng fans ang All-Out Sundays QT na si Abdul Raman bilang celebrity searcher sa E-Date Mo Si Idol.
Para sa mas masayang online dating game hatid ng GMA Artist Center, sasamahan pa si Abdul ng E-Date Mo Si Idol host na si Pekto Nacua.
Ayon kay Abdul, excited na siya para sa kanyang e-date. Kaya sa mga gustong maka-virtual date ang Kapuso star, mag-comment lang sa kanyang Instagram post.
Aniya, “Naghahanap ako ng ka e-date this Thursday night. Ikaw na kaya ‘yon? If yes, join now on our favorite online dating show – #EDateMoSiIdol. Just comment below kung bakit ako magiging maswerte maka-e-date ka! G!!!!”
Tutukan ‘yan bukas, 8pm, sa GMA Network Facebook page at GMA Artist Center YouTube channel.
Samantala, dapat ding abangan si Abdul sa bigating Kapuso teleserye na ‘Legal Wives’ na malapit nang mapanood sa GMA Telebabad.
