Mari Thess
Sa nakaraang episode ng online dating show na ‘E-Date Mo si Idol’ ng GMA Artist Center, inilahad ng bagong Kapuso actor na si Luis Hontiveros ang kaniyang pasasalamat na naging parte siya ng GMA-7.
Ayon kay Luis, sinuwerte raw siya na maging ganap na Kapuso at tinatanaw niyang isang malaking oportunidad ito, “I am very grateful and very happy, Kuya Pekto, na naging Kapuso na tayo at nabigyan tayo ng oportunidad sa gitna ng pandemya. Iba ‘yung suwerte na nararamdaman ko so I am very grateful for that opportunity.”
Dagdag pa niya, lalo niyang paghuhusayan at pagsisikapan na hasain ang kaniyang mga talento para maging handa sa kaniyang upcoming projects sa Kapuso Network.
