Mari Thess
Masayang ibinahagi ni Carla Abellana ang good news na kabilang siya sa isang upcoming Kapuso series.
Nakatakdang bumida si Carla sa new GMA series na ‘To Have and To Hold’ kung saan makakasama niya si Max Collins na napapanood ngayon sa rerun ng Innamorata.
Bago pa man daw matapos ang pinagbidahan niyang high-rating primetime series na ‘Love of My Life’ noong Marso, nasabihan na si Carla tungkol dito.
Kuwento ng aktres sa kaniyang vlog, “It came to my surprise last March when I was informed I was to be part of a new primetime show – something I did not expect because normally I would have at least 4 months off after finishing one.”
“This time around, ‘Love of my Life’ was just about to end and I found myself preparing for a new role almost immediately. Thank you for the blessings, Lord! I promise to do my best,” dagdag pa niya.
Samantala, ikinuwento rin ni Carla na apat na buwan din silang hindi muna magkikita ng kaniyang fiance na si Tom Rodriguez dahil parte naman ang Kapuso actor sa GMA series na ‘The World Between Us’ kung saan kasama niya sina Alden Richards at Jasmine Curtis-Smith.
“Magkahiwalay man kami ng show we’re so thankful kasi at least we get to continue to put food on our table, support our families, and at the same time, prepare na rin financially not just for the wedding but for our dream home na rin,” saad pa ng aktres.
