Mari Thess
Nominado ang Kapuso stars na sina Sanya Lopez at Edgar Allan Guzman sa gaganaping 4th Entertainment Editor’s Choice o EDDYS ngayong taon.
Kabilang si Sanya sa mga nominado bilang “Best Supporting Actress” para sa pelikulang “Isa Pang Bahaghari” habang nominado naman si EA sa kategoryang “Best Supporting Actor” para sa “Coming Home.”
Bago pa man ganapin ang nasabing awards night na mapapanood via livestream, malaki na kaagad ang pasasalamat ng dalawa sa mga naniniwala sa kanilang talento.
Gabi-gabing napapanood si Sanya bilang si Yaya Melody sa pinakabagong primetime series na First Yaya. Kabilang naman si EA sa cast ng upcoming GTV show na Heartful Cafe kasama sina Julie Anne San Jose at David Licauco.
