Mari Thess
Pasok sa listahan ng Top 100 Digital Stars ng Forbes Asia ang Kapuso Primetime Queen na si Marian Rivera-Dantes.
Kasama niya rito ang ilang mga international stars tulad ng BLACKPINK at BTS, at sina Rebel Wilson, Hugh Jackman, Twice, Lee Min-ho, Chris Hemsworth, at marami pang iba na nagsilbing magandang ehemplo sa social media sa gitna ng COVID-19 pandemic.
Kasalukuyang may 23 million followers si Marian sa Facebook at 10 million naman sa Instagram.
Samantala, marami rin ang natuwa sa panibagong business venture ng aktres sa release ng kaniyang collection ng furniture at home decor sa Flora Vida Home. Congratulations, Kapuso!
