Mari Thess
Ipinasilip ni Kapuso actress-beauty queen Winwyn Marquez ang kanilang training bilang military reservist nitong Sabado, September 19.
Kasama rito ang pag-assemble at disassemble ng 45-caliber gun at M16 rifle. Dahil first time itong gagawin ng ‘I Can See You’ actress, siniguro ni Winwyn na tandaan at isapuso ang natutunang tatlong bagay – ‘safety, safety, and safety’ – bago pa man humawak ng baril.
Ibinahagi naman ni Winwyn na ang kagustuhan niyang maprotektahan ang kanyang pamilya at mapaglingkuran ang bayan ang nagtulak sa kanyang maging bahagi ng military reservist team, “Siguro, the fact that I know how to protect my family and even the people that I don’t know ‘pag may emergency.”
“Pero the biggest factor was ‘yung sinabi na you can serve your country and you can serve people. Dun pa lang hindi na ako nagdalawang isip kasi my heart is for service. I’m not sure if people noticed this but ‘yung path ko laging papunta doon. Yes, I’m a beauty queen pero I see this as a new title and I’m proud to share this with everyone — that I’m gonna be a reservist under the marines.”
Samantala, bibida si Winwyn sa ikalawang installment ng much-awaited drama anthology na ‘I Can See You: High Rise Lovers’ kung saan makakasama niya sina Lovi Poe at Tom Rodriguez. Mapapanood ‘yan simula October 5 na sa GMA Telebabad.
